Gabadha uu Dhalay Madaxweynaha Maraykanku ee Ivanka Trump oo Samaysay Arrin aad loola yaabay iyo Warbaahinta Oo Si Weyn uga Faalootay

Hamburg 10. July 2017 (SDN/QJ):- Gabadha uu dhalay Madaxweynaha Dalka Mareykanka ee Ivanka Trump ayaa sameesay tilaabo aad loola yaabay oo dhanka Diblumaasiyada ah , waxaana arintan si weyn u hadal haya Wakaaladaha iyo Warbaahinta kale ee Caalamka.

Ivanka Trump oo kamid ah dadka ka qayb galaya kulanka wadamada G20 ee ka socda dalka Jarmalka , Gabadha Madaxweyne Trump ayaana booska aabaheed ku matashay shir gaar ah oo looga hadlayay arimo la xariira Qaarada Afrika.

 

Kulanka oo dhacay ayaa looga hadlay arimo ku saabsan Qaarada Afrika gaar ahaan Muhaajiriinta baddaha ku dhamaanaya iyo arimaha Caafimaadka, waxaana kulanka ka qeyb galayay qaar kamid ah Madaxda Wadamada Caalamka.

Sawir Warbaahinta Caalamka iyo Baraha Bulshada lagu baahiyay ayaa muujinaya Gabadha uu Madaxweynaha Mareykanka ee Ivanka Trump oo fadhida meel u dhaxaysa madaxweynaha Shiinaha Shii Jinbing iyo Ra’isul wasaaraha dalka Britain Taresa May.

 

Diblumaasiyiin iyo Wariyaal ka hadlay arintan ayaa sheegay in waligeed aysan horey u arag arintan oo kale, waxa ayna tilmaameen in kulmadan oo kale Madaxweynaha in uu ku matali karo Wasiirka Arimaha dibada ama masuul sare oo kaalintaasi buuxin kara.