Diyaarad Militeriga Kenya Lahaa Oo Burburtay Iyo Khasaare Soo Gaadhay Duuliyayaashii Saarnaa
Mandhera:Jully,07,2015(SDN/QJ)-Diyaarad ay laaheeyeen Militeriga Waddanka Kenya, ayaa maalintii shalay ku Burburtay Deegaanka Lamu, waxana ku waxyeeloobay 2-duuliye oo saarnaa.
Diyaaradan oo ah nooca qumaatiga u kaca ee loo yaqaano helicopter-ka ayaa salka dhulka ku dhufatay iyadoo ka caga dhiganeysay saldhiga ciidamada circa ee Baragoni ee deegaanka Lamu.
Diyaaradan oo ahayd mid awood badan oo loo adeegsado howlgallada difaaca ayaa waxaa lasoo gudboonaaday cillad farsamo, sida saraakiisha ammaanku xaqiijiyeen.
Af hayeenka ciidamada difaaca dalka Col David Obonyo, ayaa sheegay in labada duuliye ee la socday diyaaradaasi si dhasqo ah loo badbaadiyay balse ay soo gaadheen dhaawacyo.
Diyaarada ayaa markiiba waxaa qabsaday holac,mana jirto wax qasaare hantiyeed ah oo laga soo tabiyay dhacdadaasi.
SDN/QJ