Diyaarad Militari Oo Ku Dul Burburtay Baar Lagu Caweeyo Oo ku Taalla Dalka Scotland
Glascow:30-Nov-2013(SDN)-Diyaarad ay leeyihiin ciidamo boolis ahi ayaa khasaare weyn gaadhsiisay Dad ku sugnaa Goob lagu caweeyo oo ku taalla Dalka Scotland.
Diyaaraddan ayaa ku dul Burburtay Goobtan Lagu caweeyo, waxana xilligaas saarnaa Saddex qof oo saraakiil lagu sheegay, halka Goobta ay ku du dhacdayna La Sheegay inay ku sugnaayeen inka badan 120-ruux.
Sida ay sheegayan wararka ka soo baxaya ciidanka Boolisku, waxa ay Diyaarddaasi halkaas ka geysatay khasaare Ballaadhan oo naf iyo Maalba ah, waxana jira dhimasho badan oo oo la cayimin.
Markii shilkaasi uu dhacay kadib qaar kamid ah shaqaalaha waaxda gurmadka deg dega oo diidayay in la waraysto ayaa markii la weydiiyay qasaaraha dhashay ayaa ku cel celiyay, Inbadan “inbadan”.
Goobjoogayaal ayaa sheegay inay arkeen diyaarada oo usoo dhacaysa sida dhagax oo kale, waxana jira warar kale oo sheegaya inay orod miciinsdeen dad badan oo halkaas ka ag dhawaa .
Wasiirka koowaad ee dalkaasi Alex Salmond ayaa sheegay in loo baahan yahay taxadar dheeraad ah oo ay ka galaan shilalkaasi oo kale, isagoo cadeeyay inay gurmad loo diray goobta.
S.D.N
