Diyaarad Aan Cidi Wadin Oo Somalia Ku Soo Dhacday iyo Cidda Loo Aanaynayo Soo Rididdeeda
Baydhabo:May,24,2014(SDN/QJ)-Wararka ka imanaya Deegaanka Gobolka Baydhabo ee Gobolka Bay, ayaa sheegay in Diyaar nooca aan duuliyaha lahayn ay halkaas ku soo dhacday.
Wararka ayaa intaas ku diyaaradda la filayo inay Kooxda Al-shabaab Soo rideen, maadaama Goobtaas ay iyagu joogaan.
Wakhtigii ay diyaaraddaasi dhulka ku soo dhacday, ayaa ay kooxo ka tirsan Dagaal-yahanada Shabaabku ku yaaceen Goobta, iyagoo dadka ku amray inay ka fogaadaan, isla-markaana ka furtay Qalab ku xidhnaa diyaaradda oo aan la garanayn waxa uu ahaa, sida ay dadka deegaanku warbaahinta u sheegeen.
Diyaaradda oo ah nooca aan duuliyaha lahayn ayaan la ogeyn dowladda leh, balse inta badan diyaaradaha aan cidna wadin waxaa adeegsada Maraykanka oo saldhig millitari ku leh dalka Jabuuti.
SDN/QJ