Diiwaangelinta codbixiyeyaasha Garoowe oo la hakiyay

Garoowe Feb 07, 2023 (QJ) -Guddiga doorashooyinka heer maamul gobolleed ee Puntland ayaa maanta lagu waday in ay diiwaan gelinta codbixiyayaasha ka billaabaan gobolka Nugaal, balse maanta ayaa mar kale dib u dhac ku yimid.

Sababta ugu weyn ee dib u dhacaasi keentay ayaa ah khilaafka u dhaxeeya dhinacyada isku haya diiwaangelinta Iyo doorashooyinka.

Kooxaha hubeysan ee iska soo horjeeda ayaa ku sugan meelo aad isugu dhow magaalada Garoowe, taasoo cabsi ku beertay shacabka magaalada.

Isimada Iyo waxgaradka gobolka Nugaal ayaa wada dadaallo ay ku doonayaan in ay ku xalliyaan khilaafaadka ka dhashay doorashada, loogana hortagayo in labada kooxood ay dagaallamaan.

Guddida doorashooyinka heer gobol ee Puntland ayaan Ilaa hadda cayimin wakhtiga ay dib u bilaabmayso diwaan galinta codbixiyayaasha.