Dhaga Badan: Waan in la isku furaa inta u dhaxeysa Muqdisho iyo Boosaaso

Jowhar Dec 13 2012 (SDN)—Saraakiisha Ciidamada qalabka sida ee dowladda Soomaaliya ayaa daboolka ka qaaday in ay sii wadi doonaan dulaanka ay Al Shabaab kaga saarayaan deegaanada ay kaga harsanyihiin Soomaaliya.

Janaraan C/Kariin Yuusuf Aadan (Dhaga Badan) Abaanduulaha Ciidamada xooga dalka Soomaaliyeed oo saxaafadda la hadlayay isagoo ku sugan Magaalada Jowhar ee Xarunta gobolka Sh/dhexe ayaa wacad ku maray in Al Shabaab ay ka saari doonaan dhamaan dalka Soomaaliya.

Dhaga Badan ayaa tilmaamay in la isku furi doono laga bilaabo Muqdisho ilaa iyo boosaaso iyadoo aan laga baqanayn Al Shabaab iyo kooxo la mid ah sida uu hadalka u dhigay waxaana uu carabka ku adkeeyay in Ciidamada xooga dalka looga baahan yahay in ay siiwadaan guulaha ay gaarayaan.

“Waxaan u sheegayaa Kooxaha Jid iyo Jahadiidka ah in duulaakii aan ku heynay uu san dhamaan, waa la xureynayaa goobaha kale ee aad xooga ku heystaan la idinka harimaayo, waana in la isku furaa Muqdisho ilaa iyo Boosaaso.” Sidaasi waxaa sheegay Janaraan C/Kariin Yuusuf Aadan (Dhaga Badan).

Dhanka kale Abaanduule Dhaga Badan ayaa soo dhaweeyay guulaha ay gaarayaan Ciidamad xooga dalka Soomaaliyeed oo taageero milatari ka helaya kuwa Nabad Ilaalinta Midowga Africa ee AMISOM.

SDN-Jowhar