Demba Ba oo si rasmi ah ugu biiray Kooxda Chelsea islamarkaana katagay Newcastle United

London Jan 04 2013 (SDN)-Kooxda kubada Cagta ee Chelsea ayaa la soo wareegtay weerar yahanka Reer Senegal ee Demba Ba kaasi oo ay la gaartay heshiis ku kacaya 3-sano iyo bar.

27-sano jirkan ayaa ka soo tagay kooxda Newcastle ee isla horyaalka Ingiriiska waxana tani ay noqoneysaa hormar weyn oo ay kooxda Chelsea ka sameynayso dhanka weerarka madaama maalmihii danbe dhaliilo weeararka ah uu jiray.

Website-ka kooxda Chelsea ayaa lagu soo qoray Ba oo sheegay in uu ku faraxsanyahay tagitaankiisa Newcastle waxana uu sheegay in sidoo kale mustaqbalkiisa uu u wanaagsan yahay go’aankan.

Ba waxa uu ku dhashay Magaalada Paris ee dalka Faransiiska waxan uu yahay mid kamid ah qoys ka koban 8-caruur ah.