DANAB oo 67 Al Shabaab ah ku dilay Sh/Dhexe

Ceel-Bacaad December 23, 2022 (QJ) – Ciidamada DANAB ayaa sheegay howlgallo qorsheysan ka fuliyay xadka gobolada Shabeellaha dhexe iyo Galguud dhanka Waqooyi Barri kaga beegan degaanka Ceel-bacad.

Taliye-kuxigeenka Guutada 16-aad ee Danab Gaashaaanle Xasan Maxamed Cismaan (Xasan Tuure) ay sheegay in howlgalka lagu dilay 67 dagaalame oo katirsan Ururka Al-Shabaab, isla markaana ay bur buriyeen fariisimo ay ku sugnaayeen.

Ciidamada DANAB ee howlgalka fuliyay ayaa degmada Ruun-nirgood ee Gobolka Shabeellaha Dhexe ka saaray Al-Shabaab, waxaana Ciidamada hadda ay wadaan dhaq dhaqaaqyo ay ugu sii gudbayaan degaannada ay Al-Shabaab kaga sugan yihiin Gobolka Galgaduud.