Dagaalada ka soconaya Magaalada Quseyr ee dalka Syria oo sii xoogeysanaya
Qusery May 26 2013 (SDN)— Wararka ka imaanaya dalka Syria ayaa ku waramaya in dagaalka ka soconaya Magaalada Qusayr uu sii xoogeysanayo kaasi oo soconaya in kabadan 7-maalin oo xiriir ah.
Dagaalka ayaa u dhexeeya Ciidamada dowladda Syria oo gacan ka helayay Ururka Xisbulaha iyo Kooxaha Mucaaradka wadankaasi.
Ugu yaraan 40-ruux ayaa ku geeriyooday dagaaladii ugu danbeeyay sida ay dad goobjoogayaal ah ku waramayaan.
Rifaie Tammas oo ah dhaqdhaqaaqe ku sugan Magaalada Quseyr ayaa sheegay in Ciidamada Syria ay duqeeyeen aan kala sooc la heyn ka geysteen Magaalada ismarkaana dad badan oo rayid ah ay wax noqdeen.
Hogaamiyaha Kooxda Xisbulah Xasan Nasrulah ayaa wacad ku maray in ay kooxdiisu sii wadi doonto taageerada Ciidamada Madaxweyne Bishar Al Assad oo dagaal looga soo horjeedo ka soconayo dalkaasi.
Quseyr- SDN