Dagaal Xoogan oo u Dhaxeeya Ciidamadda Milatariga Somalia,ayaa Ka Socda Duleedka Af-gooye
23,Apr.2o14(SDN/QJ)- Wararka ka imaanaya Degmada Afgooye ee Gobolka Sh/Hoose ayaa sheegaya in dagaal culus oo u dhaxeeya Ciidamo kawada tirsan dowlada Soomaaliya uu hada kasocdo deegaanka Tixsiile ee Duleedka Degmada Afgooye.
Dagaalka ayaa u dhaxeeya Ciidamo kawada tirsan Dowlada, waxaan la isku adeegsanayaa hubka nuucyadiisa kala duwan , Wariye kusugan Degmada Afgooye ayaa sheegaya in dagaalka uu hada yahay mid socda walina aan war laga heli Karin qasaaraha ka dhashay.
Sida aan Wararla ku heleyno Dagaalka ayaa u dhaxeeya Ciidamo katirsan Dowlada , waxa uuna ka dhashay isbaaro shalay laga qaaday deegaanka Tixsiile oo u taalay Ciidamo katirsan Milatariga ,kuwaa oo dib isku soo abaabulay weerarna ku qaaday ciidamadii isbaarada u taalay.
Ma jiro ilaa hada wax war ah oo kasoo baxay saraakiisha Ciidanka Milatariga Soomaaliya iyo maamulka Gobolka Sh/Hoose oo ku aadan Dagaalka u dhaxeeya Ciidamo kawada tirsan Dowlada ee kasocda Deegaanka Tixsiile.
.
SDN/QJ-Afgooye,Somalia