Dab Khasaare Maaliyadeed Geystay Oo Suuqa Baydhabo Xalay Ka Kacay
Baydhabo:10-April-2014(SDN)-Sadaqadaha Ganacsiga eek u Hareeraysan Kawaanka Suuqa Baydhabo, ayaa waxa Habeenkii xalay ka Kacay Dab aad u Xoog badan oo Muddo Saacado ah socday.
Dabka ayaa Qasaaraha ugu Badan waxaa uu ka gaadhay ganacsatada danyarta ah iyada oo Bakhaar weyn oo ku yaalaya agagaarka Kawaanka uu dabku qabsday, kaasi oo ganacsatada wadhatada ah ay Ku xaraystaan.
Dadka Deegaanka ayaa u gurmaday Suuqaasi sidii ay u baqtiijin lahaayeen, Inkastoo Magaalada Baydhabo aanay lahayn dab damis, waxaana ka qeyb qaatay Booyado ay leeyihiin ganacsato reer baydhabo ah iyo dadweynaha oo isticmaalayay sakeelo iyo jirikaano biyo ku jiraan oo ay gacmaha ku soo qaadanayeen .
Ciidanaka Dowladda ee baydhabo ku sugana ayaa agagaarka goobta gubatay amaankeeda sugayey si aaneey u dhacin wax bililiqo ah.
Illaa iyo Hadda lama Hayo Wax khasaare Nafeed ah oo Halkaas ka Dhacay, waxase la sheegayaa inay jiraan Khasaare Maaliyadeed oo Tiro Badan oo Halkaas ka Dhashay.
S.D.N