Daawo Shilkii ugu Naxdin Badnaa, Tirada Dhimashada oo Maraysa Sagaal Ruux iyo Todoba Dhaawac Culus ah,Kadib Shil Maanta ka dhacay Meel u dhaxaysa Hargaysa iyo Gebilay

Gebilay 24.April {SDN} Alle ha U Naxariistee Tirada Dhimashada ayaa Haatan Maraysa Sagaal Qof halka ay Todoba kalena uu ka soo Gaadhay Dhaawac Culus kadib Shil isku dhac laba Baabuur oo maanta ka dhacay Deegaanka Caro Yaanbo oo u dhexeeya Gebilay iyo Hargaysa.

Wararkii u danbeeyay ee Shabakada Qurbejoog.com ka heshay Deegaanka Caro Yaanbo ayaa Sheegay in Qof Mayd ah laga helay Isagoo uu Mid ka Mid ah labadii Baabuur ee Isku dhacay uu barkaday,taas oo aan markii hore la helin,hasa yeeshee Maydka Qofkan oo ah Nin ayaa hada la Keenay Cisbitaalka Guud ee Magaalada Gebilay ,Shilkan ayaa Ka dhashay Kadib Markii ay isku Dhaceen Laba Gaadhi oo Mid ka Mid ahaa Dhayne ka Yimid dhinaca Degmada Wajaale  iyo Gaadhi Weyn oo Waaraad ah oo ka Yimid Magaalada Bebera isla markaana Siday Raashin Mucaawimo ah oo dawlada Turkigu ugu deeqday dadka danyarta ah ee Ku Nool Somaliland .

Gebilay SDN.

Qurbejoog.com