Daacish Oo Warbaahinta Keentay Dagaalyahankeeda Ugu Da’da Yar 5000-kun Ee Ajaanibta Gacanteeda Ku Jira
Mosil:Aug,24,2014(SDN/QJ)-Kooxda ka dagaallanta dalalka Syria iyo Ciraaq ee Daacish, ayaa warbaahinta kasoo saartay wiil aad u da\yar oo kor u haya Qoriga AK-47-ka, kaas oo ka mid ah dagaalyahanadeeda ajaanibta ah.
Wiilkan yar ayaa magaciisa lagu sheegay Younes Abaaoud oo ah 13 jir ka tagay dalka Belgium, waxana ay muujiyeen sida uu diyaarka ugu yahay inuu difaaco diintiisa iyo Haybaddiisabba.
Sawirka Yoonis ayaa ka turjumaya mowqifka uu qaatay iyo marxalada uu ku jiro, wuxuuna cadeeyay inuu yahay dagaalyahan ka Tirsan Kooxda ISIS ee ka dagaalanta dalalka Ciraaq iyo Siiriya.
Wiilkan oo ku dhashay magaaladda Brussels ee xarunta dalka Belgium ayaa jiida dagaalka ugu tagay walaalkiisa Abdelhamid Abaaoud oo ahaa ruuxa u yeedhay cunugan yar.
Younes Abaaoud ayaa la rumaysan yahay inuu yahay dagaalyahanka ugu yar shan kun oo ah ajaaniib ka tagtay Qaarada Yurub kana barbar dagaalanta Kooxda xagjirka ah ee ISIS.
SDN/QJ