Daacish Oo Calankeeda Dul Sudhay Diyaarado Dagaal
Mousil:Sep,12,2014(SDN/QJ)-Ururka islaamiga ah ee Daacish, ayaa calankooda madowga ah dul sudhay diyaarado dagaal oo ay haystaan.
Koodan ayaa calanka sudhay diyaarado kamid ah kuwii dawladda ciraaq oo ay hore u qabsadeen, waxana ay samaynayaan dhoolotusyo kala duwan oo la xidhiidha sida ay diyaarka ugu yihiin difaaca hujuumkia Maraykanku soo wado.
Sidoo kale waxa ay kooxdu la kullmaysaa dagaallo kaga socda gudaha dalka oo ay wadaan xukuumadda ciraaq iyo maleeshiyada Kurdiyiinta oo iskaashanayaa, waxana ay dejinaysaa Istaraatiijiyadii ay difaac adag ku samaysan lahayd.
Warbixin Qaramada Midoobay ay soo saartay ayaa waxaa sidoo kale lagu sheegay in maleeshiyaadka ururka Daacish ee (IS) ay si xoog ah ku dagaal galiyeen caruur aad u yar yar oo dhawaan ay ka kaxeeysteen gobolo iyo magaalooyin la isku fara saaray.
Diyaaradaha kooxdani haysataa ma duuli karaan oo waxa ay ka baqayaan Duqaymaha marayakanka, waxana ay ku dhuumanayaan goobo qarsoodi ah oo lagaga qarinayo Weerarrada xagga cirka ah ee ku socda.
SDN/QJ