Cutubyo Ka Tirsan Ciidamada Somaliland Oo soo Bandhigay Gaardis ka qiiraysiiyey Shacabka iyo Hoggaanka Dalka
Hargeysa:May,18,2014(SDN/QJ)-Ciidamada Kala duwan ee Jamhuuriyada somaliland ayaa Gaardis iyo Gaaddo-ka-ciyaar la yaab leh ku soo Bandhigay Barxadda hore ee Waddada hor marta aqalka Madaxtooyada somaliland oo ay ku sugnaayeen Madaxda qaranka oo halkaas salaan ku qaadanaysay.
Cutubyo soo jiidasho badan oo ka tirsan ciidamada kala duwan ee Somaliland, ayaa si qiiro leh u maray Aqalka madaxtooyada oo ay taxnaayeen Bulsweyn tiro badan oo reer Somaliland ah, kuwaas oo Il kalgacal ku daawanayey Gaardiska ay samaynayeen Ciidamada qaranka Somaliland.
Ciidamda ayaa ku gashaanaa hubka kala duwan ee ay leeyihiin, iyadoo gaadiidkooda, gaar ahaan kuwa Tiknikada ahi ay Goobta wacdaro ka dhigeen.
Madaxweyne Siilaanyo ayaa HHalkaas ciidamada kala duwan salaam kaga qaatay, waxana uu ishiisa ku arkay Baaxad iyo Hannaan Derejaysan oo ay ciidanka Somaliland saaka soo bandhigeen.
Shacabka Somaliland ee ay saaka ciidamda kala duwani hor marayeen ayaa si weyn u soo dhaweeeyey horumarka ay ciidanku sameeyeen, waxana ay ku sagoonayeen Saxab iyo sawax ay niyadda ugu dhisayeen.
Gaardiskan ayaa saaka sameeyeen Ciidamada kala duwan ee Somaliland, ayaa dhirbaaxo ku ahaa Cadowga Somaliland eek a soo horjeeda horumarka iyo samaha ay ku tallaabsatay, iyadoo taasina farriin dadban u ahayd cid kasta oo Hunguri kaga jiro inay Arrimaha somalilannd Faraha la soo Gasho.
SDN/QJ