Cutubyo Ka Tirsan Ciidamada Qaranka Somaliland Oo Saaka Kulaalaya Deegaanka Saax-dheer
Saax-dheer:21,june,2014(SDN/QJ)-Wararka Hoose ee Saaka Qurbejoog.com ka Helayso Degmada Saax-dheer ee Gobolka Sool, ayaa sheegaya in ciidanka qaranka Somaliland ay kulaalayaan.
Wararka ayaa intaas ku daraya in Cutubyo Tiro badan oo ka tirsan ciidanka qaranku Maalintii shalay u ambabaxeen Halkaas, iyagoo ku Jihaysan Magaalada Saax-dheer oo ay joogaan Hadhaaga Kooxdii la Caydhsaday ee Khaatumo.
Ciidaman ayaa u jeeddadoodu tahay sidii ay gacanta ugu soo dhigi lahaayeen Xubnaha wali Carqaladaynaya Nabadda Deegaanadaas ee Halkaas ku sugan, waxana Dadka Deegaanku Warbaahinta u sheegeen inay Arkeen Diyaar garawga Ciidamada Qaranka ee Halkaas ku sugan.
Ciidamaddan ayaa dhammaantood ka dhaqaaqay Aagga Magaalada Laascaanood ooo ay hore u joogeen, waxana Haatan laga yaabaa inay Fadhiisimo cusub ka samaystaan Deegaanka Saax-dheer oo Xubnaha KHaatumo wali isku qarinayaan.
Tallaabadan ciidamada qaranku ka wadaan Deegaankaas ayaa salka ku haya Dhirbaaxooyin isdaba joog ahaa oo kooxda KHaatumo lagaga tirtirayey Halkaas, maadaama ay shacabka Deeganadaasi cabasho u soo Gudbiyeen Ciidamada qaranka.
SDN/QJ