Ciyaartooy uu Taliyaha Ciidanka Booliska Somaliland Xabsiga u taxaabay iyo Sababaha keenay Xadhigooda

Hargaysa 23,Nov 2014 (SDN/QJ)- Kooxda kubadda cagta ee magacoodu yahay Tigers islamarkaana katirsan dhalinyarada degan xaafadda Liinka Booliska ee magaaladda Hargeysa oo muddo dhawr cisho ah safar ciyaareed ugu maqnayd magaaladda Burco ee gobolka Tog-dheer ayaa xalay  maray soo gelayeen magaaladda Hargeysa loo taxaabay saldhiga Macalin haaruun ee kuyaal Bariga magaaladda Hargeysa.

Dhalinyaradan ka timid safarka kubadda ah oo triradoodu gaadhayso 20 ciyaartooy oo dhalinyar ah ayaa la sheegay in ammarka xadhigooda uu bixiyay taliyaha ciidanka booliska gaashaanle sare Cabdilaahi Fadal Iimaan,kaas oo la sheegay inuu ka shaki qabo in dhaliyaradani ay rabshad iyo kacdoon ka samayso dhulkii Liinka booliska ee  rabshaduhu ka dhaceen,islamarkaana uu taliyuhu xal u arkay xadhigooda.