Ciyaaraha Yurub:Gumeystaheyga ayaa ka wanaagsan kii ku Gumeystay!

Kiev June 24,2012(SDN)-Ciyaarihii dalalka reer Yurub ayaa galay gebagebadoodii ka dib kolkii la galay isku aadyadii ugu danbeeyay oo ay isugu soo hareen afartii dal ee u danbeysay.

Dadka ku nool dunida sadexaad khaasatan Africa ayaad arkeeysaa kolka ay ciyaarahan daawanayaan in ay taageeradooda ku saleynayaan kolba dalkii gumeystay abeyaashood.

Soomaalida ayaa qudheeda arrinkan can ku ah bacdamaa aad arkeyso gobol walba dalkii gumeystay in uu calankiisa ruxayo,sidii oo uu dareen la wadaago.

Arinkan ayaa ka yaabiyay muwaadiniinta dalalkii gumeystaha ee Africanku u xiiqayo haatan taageeradooda.

Kolka aad la shekeysato dhalinta haatan qurbaha nala jooga ee ka soo jeeda dalalkii reer Yurub ee kala gumeystay gobolada Soomaalida ayaa waxa ay kuu sheegayaan sida ay uga xun yihiin wixii dhex maray waalidkood iyo kuwayaga.

Hadana kolka ay arkaan sida aanu dalalka reer Yurub u taageereyno waxa ay is yidhaahdaan malaha gumeysigu sidaaba uma sii xumeen.

Ciyaaruhu waa waxa qura ee dunidan aynu ku noolahay dhalinteeda mataaneyn kara,waxaana haboon in dhalaanka lagu baraarujiyo in taageerada kooxaha reer Yurub ay ku saleeyaan kolba sida ay ciyaar wanaaga u soo bandhigaa.

SDN-Kiev

contact@somalidiasporanews.com