Ciidamadda Puntand Oo Sheegay Inay Dileen Ragga Ka Tirsan Al-Shabaab Qaarna ay Qabteen
08,May,2014(SDN/QJ)- Col.Cabdiraxmaan Cali Xuseen ayaa warbaahinta u sheegey in ciidanka Puntland ay ka warheleen koox ka tirsan al-Shabaab oo gaadhey laamiga si ay u qaataan sahay. Kooxdan ayaa gaadhayey 17 nin oo hubeysan.
“Kooxdan al-Shabaabka ah waxay gaadhi kala degaayey sahay waxaana gaarigu ka yimid Koonfurta Soomaaliya sidoo kale waxaa gaadhiga saarnaa laba Dumar oo ahaa xaasas ay qabaan al-Shabaab”. Ayuu Warbaahinta u sheegay Col.Cabdraxmaan
Col.Cabdiraxmaan ayaa sheegey in nimankan dagaalameen, laakiin laga itaal roonaadey, “ laba meyd ah halkii ayey uga carareen, nin dhaawac ah iyo mid kale oo bed qaba ayaan qabaney intii kale buuraha ayey u baxsadeen “ayuu yidhi Co.Cabdiraxman Cali Xuseen oo ka tirsan ciidanka difaaca Puntland.
Maamulka Puntland ayaa maaro la’ Ciidamo ka tirsan Al-Shaab oo ka hawl Gala Buuro layda Gagala.
SDN/QJ-Garoowe
contact@somalidiasporanews.com