Ciidamada Qaranka oo Khasaare Gaadhsiiyay Kooxda Nabad diidka ah ee Khaatumo oo Weerar ku soo qaaday fadhiisinka Xudun ee Gobolka Sool.

Hargasya 22.Jan (SDN)Ciidamada Qaranka ee Jiida Xudun ayaa dhirbaaxo kulul kaga jawaabay Weerar gardaro ah oo ay ku soo qaadeen Maleeshiyaadka Nabad diidka ah ee Isku Magacaaba Khaatumo isla markaana kaga qabsaday Gaadiid Tikniko ah,kuwo Xamuul ah iyo Maxaabiis.

 

War qoraal ah oo uu ku saxeexan yahay Taliyaha Ciidamada Qaranka Jamhuuriyada Somaliland Ismaaciil Maxamed Cismaan “Shaqale” ayaa lagu sheegay in maanta Saacadu markay ahayd 1:45 duhurnimo ay Jiida Xudun ee ay ku sugan yihiin Ciidamada Qaranku ku soo gardaroodeen Maleeshiyaadka Nabad-diidka ee Khaatumo isku magacaaba ,isla markaana ay dagaalkaas kala kulmeen Jab iyo halaag, lana eryayMasaafo dhan 40Km .

 

Taliyaha Ciidamada Qaranku mar uu ka hadlayay Khasaaraha ay soo gaadhsiiyeen Maleeshiyaadkaas waxa uu Xusay inay Ciidamada qaranku ku qabteen hawlgalkaas Laba Gaadhi oo Tikniko ah,Mid Xamuul ah iyo Dhawr iyo Toban Maxaabiis ah.

 

Ismaaciil Maxamed Cismaan Shaqale waxa uu intaas ku daray inay Ciidanka Qaranka ka dhaawacmeen Laba Askari.

Hargaysa SDN.