Ciidamada Amaanka ee dalka Kiinya oo dilay Wadaad xiriir la lahaa Al Shabaab

Mombasa May 27,2013(SDN)-Ciidamada amaanka ee dalka Kiinya ayaa magaalda Mombasa ku toogtay wadaad ay sheegeen in uu xiriir dhaw la leeyahay kooxda Al Shabaab.

Ciidamada Booliska ayaa sheegay in Khalid Axmed oo Soomaali asalkiisu yahay balse heysta dhalashada Kiinya in ay shalay ku dileen magaalada Mombasa.

Sheekh Khalid ayaa xiriir dhaw la lahaa wadaad isna kal hore lagu dilay isla Mombasa oo la oran jiray Aboud Rogo.

Booliiska Kiinya ayaa sheekh Khaalid ku eedeeyay in uu heystay walxaha kharxa uuna dhalinyarada Kiinya ku dhiiri gelin jiray in ay ku biiraan kooxda Al Shabaab ee Soomaaliya ka dagaalanta.

Sheekh Khaalid ayaa kolkii lagu eedeeyay qodobada dusha ku xusan waxa uu u baxsaday Soomaaliya.

Ma cada sababaha uu Khaalid Axmed ugu soo noqday Kiinya iyo habka loo dilay toona.

SDN-Mom

contact@somalidiasporanews.com