Chelsea oo 1-0 ku khaarijisey Barcelona

Stamford Bridge London-April-18-2012-qurbejoog.com-Akhyaartay qormadeena ciyaaraha waxaynu maanta ku soo qaadaneynaa ciyaar runtii aad u xiisa badneyd oo dhexmartey Chelsea iyo Barcelona kana mid ahayd koobka UEFA.

Ciyaatan oo aay ka soo qayb galeen dadweyne aad u tiro badan iyo labada kooxood taageerayaashooda oo ciyaartu markey bilaabantey ilaa dhamaadkeedii aan kala joojin sawaxan iyo sacab kuna taageerayeen kooxohooda.

Haddaba ciyaartan oo ku bilaabantey is xagasho la”aan ayey labada kooxoodba soo bandheen ciyaar ay ku dheehantahay xirfad,farsamo adkeysi badan iyo isku dhiib-dhiibid wanaagsan.

Ciyaar wanaagaa aynu ka soo sheekeeney ayaa daqiiqaddii 45+2 ayaa chelsea waxay nasiib u yeelatey iney keensadaan gool aad u qurux badan waxaan u saxeexay xiddiga reer Ivory Coast DROGBA,qeybtii hore ee ciyaartu waxay ku dhamaatey Chelsea 1-Barcelona 0.

Qeybtii dambe ee ciyaarta markii la iskugu soo noqdey ayaa Barcelona la wareegtey xukunka garoonka halka Chelsea iskugu uruureen difaac waxaana ku garaneysaa Drogba oo raacayey ama difaacayey Messi,laakiin wax kasta oo aay isku dayeen wey u suurtoobi weydey iney Barcelona keensato Gool eaxayna ugu dhaweyd iney bar-badhac keenaa daqiiqaddii 90-aad oo runtii i dhali ahaa.

Ciyaartuna waxay ku dhamaateyb Chelsea-1- Barcelona-0- Laakiin maxaa dhici doona marka la isla tago Barcelona? Haddii uu Eebe Idmo.

W/D-Jaahuur

qurbejoog.com