Canbaareyn wadareed mug-leh oo ku wajahan Xadhiga Xaqdarada ah ee lagula kacey Weriyaha Somali Channel Weriye Mohamed Abdillahi Faarax ( Soofadhiis​te ) iyo Weriya-yaa​sha reer Gabiley

Hadaba Maanta  Waxaa ay dhamaan shacabweynaha reer Somaliland ay qabaan in xadhiga Wariyayaasha Madaxa Banaan oo tiradoodu hada mareyso 65 Wariye uu yahay mid lid ku ah oo lagu Sadqeynaayo Xoriyatul Qawlkii iyo xuquuqul-insaankii Qarankan yari  23-ka  Sanadood uu ku soo caano maaley isla markaana lagu wax yeelaynaayo Nabadgelyada, Xasiloonida iyo Nidaamkii Dimuqraadiga ahaa ee aynu Dhab-dhabaneyno.

Waxaanu Xukuumada Siilaanyo leenahay waa ayaan daro in dhacdooyin cusub oo  ugub ahi ay ku soo noq-noqdaan  Gobolka Saaxil magaaladiisa Berbera oo ah hooyadii wadanka habeysey. 1– Waxaa bishii hada Dhamaatey si badheedh ah loogu toogtey oo hada dhaawac halis ah ujiifa Gudoomiyihii Waxbarashada ee Gobolka Saaxil. 2– Waxaa maantana Weerar Cadaan ah ay maleeshiyo Beeleed hubeysani ku soo qaadeen Maxrajkii 3-aad oo dhismihiisu ka socdey Koonfurta Magaalada Berbera ,Taas oo ciidamo beeleedyadaa oo dhismahaa maxrajka cusub ka maseyrsani  ay cagta mariyeen Dhismihii goobta ka socdey kadibna ay si isku kalsooni leh uga baxeen goobtii  iyada oo cidna laga xidhin. Waxaanu leenahay Badhasaabka Gobolka Saaxil waad Fashilantey ee haku mar-marsoon xadhiga Weriyaha ee is Casil hadii aanad falgalkaa maxrajka  ka mid aheyn.

Anaga oo ah Qurbe joogta reer UK ee  ka soo jeeda Gobolka Saaxil Waxaanu Cod wadareed mug leh oo Dheer Ku Canbaareynaynaa Xadhiga Xaqdarada ah isla markaana arxan darada ah ee Lagula kacay Weriye  Maxamed A/llaahi ” Soofadhiiste ” Laguna  gawracey Xoriyatul Qawlkii Saxaafada madaniga ah ee  Madaxa banaan ee Jamhuuriyada S/land,

Xadhigaa Sharci- darada ah ee Soo Noq noqonaaya Intii Xukuumadani talada haysey,Sidoo kalena ay ka dhigatey Xadhiga Wariyayaasha Wax Iska Caadiya ayaa waxa ay waxyeeleysey Sumcadii iyo Dimuqraadiyadii Somaliland Caalamku ku majeeran jireen taas oo hada cabsi weyn looga qabo in ay dhaawac gaadhsiiso  Xidhiidhka aynu la leenahay  Deeqbixiyayaasha, Wadamada Saaxibka dhaw la ah JSL  iyo Bulshada Caalamka.Waxaanu Leenahay Xukuumadan Siilaanyo ee Dul-yar, Deman, Dareen nugul sida ugu dhakhsaha badan Xoriyada ugu soo celi Wariye Soofadhiiste  iyo labada weriye ee reer Gabileyba, Hadii kale waxaanu si dhakhso leh magacyadooda ugu gudbin doonaa Hayadaha Xuquuqul insaanka udooda ee ka hawlgala UK.

A/Rahman Fidhinle

A/llahi Sool

Hassan Ahmed

Yusuf Osman

Ali Abdi Jama

Omar Jama

Ali Cisman

Mustafe Yusuf  mohamoud

Mohamed osman

Mohamed Nur

A/Salaan Mahdi

Mukhtar Abdillahi jama

Idiris abdi fidhinle

Mohamed Jama

Abdillahi Hussien

Yusuf Daa’uud

Xaamud Yasin

Abdi Xussien

Ahmed Xussien

Ismail Abdillahi

Abdillahi Abdille guleed

A/risaaq yasiin

Ali Hasan bariise

Abdi awdaahir

Mohamed Ibraahim

Maxamed Siciid

Abdi aw-adan

Abdiriin Ibraahim