Cabdirisaaq Khaliif oo jawaab adag siiyay Saleebaan Gaal

Hargeysa. 27 September, 2022. (QJ)- Gudoomiyaha Golaha Wakiilada Somaliland ayaa ka jawaabay hadalo kasoo yeedhay Gudoomiyaha Golaha Guurtida, iyo xeerka uu dib ugu soo celiyay Wakiilada.

Cabdirisaaq Khaliif ayaa u sheegay Saleebaan Gaal in uu Golaha Guurtida hor geeyo xeerarka oo Isagu aanu xaq u lahayn in uu Golaha Wakiilada dib ugu soo celiyo xeerarka doorashooyinka ee ay kaabista iyo wax ka badalka ku sameeyeen.

“Mudane guddoomiye, ugu danbayntii, adiga oo ixtiraamaya dastuurka iyo xeer-hoosaadk golaha guurtida, waxaan kuu soo jeedinayaa in aad wax-ka-beddelka iyo kaasbita xeerarkan hor dhigto gole-weynaha si ay waajibkooda dastuuriga ah uga gutaan.” Ayuu Khaliif ku yidhi warqad uu u diray Saleebaan Gaal.

Somaliland waxa ka taagan muran sii xididaysanaya oo salka ku haya doorashada ururada oo Muuse Biixi uu rabo in uu dalka ka qabto iyadoo xeerkeedii aanu jirin.