Booliska oo ka hadlay qaraxyo Muqdisho ka dhacay

Muqdisho (QJ) – War saxaafadeed ka soo baxay Taliska Booliska Soomaaliyeed ayaa lagu faah faahiyay qaraxyo xalay laga maqlay degmada Daaru Salaam ee gobolka Banaadir. Booliisku waxay caddeeyeen in dhawaqyadu ay ahaayeen kuwa qarxa oo been abuur ah oo aanay ahayn hanjabaad dhab ah.

Booliska ayaa shacabka iyo warbaahinta u xaqiijiyay inaysan jirin khatar amni oo ka jirta magaalada Muqdisho.

“Kooxaha argagixisadu waxay isku dayeen inay cabsi ku faafiyaan iyagoo walxaha qarxa soo dhigay xarun ganacsi oo ku taal degmada Daaru Salaam,” ayaa lagu yiri warka ka soo baxay booliska.

Mas’uuliyiin ka tirsan maamulka ayaa xaqiijiyay in walxaha qarxa ay ahaayeen kuwa jug ah, islamarkaana aysan geysan wax khasaare nafeed iyo mid hantiyeed.

Booliska Soomaaliyeed ayaa shacabka ku booriyay in ay gacan ku siiyaan ciidamada ammaanka sugidda nabadda iyo in ay ka digtoonaadaan wararka been abuurka ah ee la doonayo in lagu abuuro argagax.