Barnaamij cusub oo habeenka khamiista ka bixi doona universal tv 6:00 ilaa 7:00 fiidnimo oo la magac baxay iiwad sheekada waxa idiin daadihinaysa Fananada Nimco Degan iyo Maxamed Saxaaf Dawasho wacan

London 21March13(SDN)Barnaamijka II Wad Sheekada ayaa ah barnaamij cusub oo ay si wada jir ah u daadihin doonaan saxafiga da’da yar ee Maxamed Siciid Asahaaf iyo fanaanada Nimca Degan. Barnaamijkaan ayaa ah mid si gaar ahaaneed looga soo shaqeeyay oo ay gacan ka geysteen maamulka iyo shaqaalaha Universal TV iyo weliba farshaxaniistaha Soomaaliyeed ee Amin Arts iyo gabadhiisa Jiija Amin.

Barnaamijka II Wad Sheekada ayaa ahaan doona mid xooga lagu saari doono sidii lagu horumarin lahaa dhaqanka, farshaxanka, fanka iyo suugaanta Soomaaliyeed. Waxaa barnaamijka sidoo kale lagu soo qaadan doonaa muuqaalo gaar ah oo aan horay loo arag, waxayna muuqaaladani ku saabsanaan doonaan marka ay shaqaaluhu gudanayaan howshooda qaladaadka ka dhaca oo ah kuwa qosol iyo madadaalo dheeri ah wata.

Barnaamijka II Wad Sheekada ayaa Facebook ku leh bog cusub oo la magac baxay II WAD SHEEKADA waxaana sidoo kale barnaamijka lagala xiriiri karaa dhanka iimeelka oo ciwaankiisu yahay. EMAIL: IS@TVUNIVERSAL.NET

Ugu danbeyntii barnaamijka II WAD SHEEKADA ayaa laga daawan karaa Universal TV habeen kasta oo Khamiis ah marka ay tahay 6:00pm illaa 7:00pm fiidnimo ee waqtiga London, TONIGHT AT 6/7 INSHALLAH

 

Xafiiska wararka qubejoog.com
Uk London