Barcelona Iyo Bayern oo Guryahoodii u Kala Direy Ac Milan Iyo Marsseile.

Barcelona-April-04-2012-qurbejoog.com-Saaxiibayaal qormadeena ciyaaraha waxaynu ku falanqeyneynaa koobka horyaalka yurub oo si habsami ah u socda.

Waxaa hore loo soo ciyaarey lugtii hore oo ay soo badiyeen Bayern Munich,Real Madrid,Chelsea,Barcelona waxay barbardhac la gashey Ac milan taas oo qaarna faraxsanyihiin qaarna wadnaha farta ku haya.

Haddaba Akhyaartay ciyaarihii caawa foodda la isla galey oo ahayd lugtii labaad waxaa is hirdiyey Barcelona iyo Ac milan ciyaata kalana Bayern Munich Marsseile waxana ka shubaya tii laga badiyo caawa.

Haddi aynu soo qaadano ciyaatii dhex martey Barcelona iyo Ac milan runtii waxay ahayd mid aad u xiisa badan lana sugayey bacdamaa lugtii hore ay ku kala baxeen 0-0- labadan kooxood oo la soo galay garoonka udbahoodii iyo dhigahoodii ayaa qolowalba ku soo tashatey in goolasha looga hormarin.

Ciyaartan oo ku bilaabantey taxadar badan ayaa qolowalba ka feejigneyd in shabaqooda la taabto laakiin waxay taasi beenodey daqiiqadii 11-aad ee qeybtii hore ee ciyaarta ayaa Barcelona calf u yeelatey Rigoore ama Penelty waxaana u saxeexay Messi,daqiiqaddii 32-aad waxaa AC Milan u saxeexay Nocerino,tii 41-aadna Messi wxuu labeystey goolkiisii labaad oo isna ahaa Rigoore.

Qeybtii dambe ee ciyaarta Ac Milan oo ku hamiyeysa iyey guul la hoydaan ayaa goolkii niyad jabka ku ridey waxaa daqiiqadii 53-aad ku sagootiyey inuesta.Ciyaartii labaad ee isla caawa la ciyaarey waxaa foodda isla galey Bayern Munich iyo marsseila waxaana laba iyo Eber 1-0- ku badiyey Bayern Munich.

W/D-Jaahuur-

Qurbejoog.com