Barcelona Ayaa 4-3 Ku Qarqisey Real Madrid (La Llga) (Goolasha Daawo) By Jaahuur.

Real Madrid-23-Mar-2014-(SDN)Ottawa-Akhyaartay qormadeena ciyaaraha waxaynu kaga baaraandageyna horyaalka ka hilaacaya Spain (La Liga) oo aay isku rifayaan Real Atletico,Real Madrid iyo Barcelona iyo ciyaar aan la isku aabayeelin oo dhexmartey Barcelona iyo Real Madrid.

Saaxiibayaal ciyaartan dhexmartey Barcelona iyo Real Madrid oo runtii aad u xiiso badneyd oo la wada sugayey ayaa waxaa ka soo qaybgalay dadweyne kor u dhaafey 70,000 iyo dabcan tageerayaash waraabowga qaba ee labada dhinac.

Haddaba qeybtii hore ee ciyaarta oo runtii ku bilaabatey weeraro badan oo aay isku qaadeen Barcelona waxaa suura gashey gool aad u qurux badan waxaana qalinka ugu jiidey Inista daqiiqaddii 8-aad,laakiin Real Madrid oo aan goolkaa jalaq u siin ayaa daqiiqaduhii 20-aad iyo 24-aad waxaa ku baashaaley Benzema,Barcelona oo argagixisan waxaa daqiiqaddii42-aad ka farxiyey Messi  shabaqana ku hubsadey,qeybtii horana waxaa lagu kala nastey 2-2.

Qeybtii dambe ee ciyaarta ayaa la isku nafbaxay daqiiqaddii 55-aad ayaa Real Madrid rigoore daciif ah oo aan loo arkeynin inuu rigooe yahay markii dhawr jeer lagu soo celceliyey fiidyoowga waxaana u dhaliyey Rolando,fari kama qodna faanoole daqiiqadihii 64-aad iyo 85-aad kii barbardhaca iyo kii qalbi jabkaba waxaa ku sagootiyey Real Madrid Messi.

Waxaa xusuid mudan ineynu ogaana 3-da kooxood ee hogaaminaya horyaalka Spain (La Liga) Dhibcaha Real Atletico 70,Real Madrid 70,Barcelona 69,waxaana u hadhsan midkiiba min 9-aal ciyaarood.

W/ qorey Jaahuur

SDN

jjaahuur@hotmail.com