Banaanbax lagu taageerayo dhismaha Jubba-land oo Garowe ka dhacay

Garowe May 17, 2013(SDN)-Banaanbax lagusoo dhaweeynayay  dhismaha maamul goboleedka Jubba-land iyo doorashada madaxweynahooda cusub ayaa saakay ka dhacday magaalada Garowe ee xarunta Puntland.

 

Dadka banaanbaxa dhigayay oo isugu jiray qeybaha kala duwan ee bulshada ayaa socod ku marayay wadada laamiga ee bartamaha Garowe, Waxayna wateen  boorar ay ku xardhanaayeen calanka Jubba-land iyo sawirka madaxweynahooda cusub ee Axmed Madoobe.

 

Waxaa kale oo banaanbaxayaashu ku dhawaaqayeen hadalo ay ku taageersan yihiin maamulka cusub iyo kuwa ay kagasoo horjeedeen faro galinta ay  dowladda federalka Soomaaliya ku hayso dhismaha Jubba-land.

 

Gobolada Puntland ayaa kamid ah meelaha sida muga leh looga soo dhaweeyay maamulka cusub. Waxaana qeybo kamid ah magaalooyinka Puntland maalintii shalay ka dhacay kulamo lagusoo dhaweynayay maamulkasi