Baarlmaanka Mareykanka oo la horgeeyay Aqoonsiga Somaliland

Washington (QJ) – Xildhibaan Scott Perry, ayaa Congress-ka horgeeyay xeer cusub oo u ololaynaya in Jamhuuriyadda Somaliland loo aqoonsado dal madax-bannaan. Hindise-sharciyeedka 10402 waxa uu hoosta ka xarriiqayaa xasiloonida Somaliland ee tobanaan sano, ka go’naanta dimuqraadiyadda, iyo muhiimadda istiraatijiyadeed ee Geeska Afrika oo ah sababaha ugu waaweyn ee aqoonsiga Maraykanka.

Xeerkani waxa uu ka dhigan yahay tallaabo muhiim ah oo lagu horumarinayo ictiraafka Somaliland ee muddada labaatanka sano ah ee ay Somaliland ku raadinaysay aqoonsi caalami ah, taas oo muujinaysa xasilloonideeda gobolka oo inta badan ay ka jiraan qalalaase.

Sharcigu waxa uu soo jeedinayaa in Maraykanku si rasmi ah u aqoonsado Somaliland dal madax-bannaan oo ka go’ay Soomaaliya. Waxa kale oo ay ku baaqaysaa in la sameeyo joogitaan dublamaasiyadeed oo Maraykan ah oo ku sugan Hargeysa, caasimadda Somaliland, iyada oo loo marayo safaarad ama qunsuliyad.

Meesha istaraatiijiga ah ee Somaliland ee u dhow marinnada muhiimka ah ee badda, oo ay weheliso suurtogalnimada ay u tahay lammaanaha muhiimka ah ee ka hortagga argagixisada, ganacsiga, iyo xasilloonida gobolka, ayaa xoogga la saaray. Xeerku waxa kale oo uu qirayaa in Somaliland si joogto ah u soo martay doorashooyin nabad ah iyo sida ay uga go’an tahay dawladnimada dimuqraadiga ah tan iyo markii ay ku dhawaaqday madax-banaanideeda 1991-kii.