Baadi-goob Loogu Jiro Libaax Ka Baxsay Safaaradda Imaaraadka ee Muqdisho iyo Cabsi Soo Foodaartay Dadka Shacabka ah
Muqdisho:July,14,2014(SDN/QJ)-Waxa Safaaradda Daka Imaaraadka Carabu ku leeyahay Magaalada Muqdisho Habeenkii xalay ka Baxsaday Libaax ay Gacanta ku hayn jireen.
Libaaxa, ayaa waxaa la sheegay in uu ku baxsaday mid kamid Degmooyinka Boondheere iyo Wardhiigley, waxaana xusid mudan in Safaarada ay ku taalo meel ku dhow Madaxtooyada Somaliya.
Libaaxan, ayaa waxa uu ka gostay shabag dhex yaala Safaarada oo uu ku xidhnaa, wuxuuna ka baxsaday saqdii dhexe ee habeenimadii xalay ahayd.
Lama garanaayo waxa dhabta ah ee keenay inuu baxsado libaaxaan, iyadoo inta badan libaaxa lagu garanaayo inuu baxsado, kolka uu gaajo dareemo, raadsadana wuxu quuto.
Ciidamada Nabad Suggida ee Gobolka Banaadir, ayaa waxay weli libaaxaan ka baadi-goobayaan Degmooyinka Wardhiigley iyo Boondheere, si aanu waxyeelo ugu geysan dadka rayidka ah.
SDN/QJ
Contact@somalidiasporanews.com