Axmed Madoobe oo booqday goobo daadadku qaadeen

Kismayo November 21, 2023 (QJ) -Madaxweynaha Dowlad Goboleedka Jubbaland Mudane Axmed Maxamed Islaam (Madoobe) ayaa maanta booqday deegaanada ay saameeyeen fatahaadaha wabiga Jubba ee gobolka Jubbada Hoose.

Madaxweynaha oo ay wehliyaan mas’uuliyiin ka tirsan hay’adaha samafalka iyo kuwa gargaarka ayaa intii uu ku guda jiray kormeerkiisa waxa uu u kuurgalayay dhibaatooyinka ay la kulmaan kumanaanka qoys ee ku nool deegaannada ay fatahaaddu ka dhacday. Tobanaan kun oo qof ayaa guryahooda uga barakacay fatahaadda Wabiga Jubba, iyadoo magaalooyinka qaar ay ku soo qulqulayaan xaafadaha iyo burburka kaabayaasha muhiimka ah.

Madaxweynaha ayaa bogaadiyay dadaalka ay wadaan guddiga gurmadka fatahaadaha iyo gurmadka loo fidinayo dadka ay saameeyeen fatahaaduhu iyo shaqaalaha caafimaadka ee wasaaradda caafimaadka oo gurmad caafimaad u fidinaya dadka barakacayaasha ah ee ku dhaqan deegaanada kala duwan ee dowlad goboleedka Jubaland.