Atletico Madrid oo Ac Milan Gurigooda u Caraabisey Markii 4-1 Ugu Awood Sheegatey(Champion League) DAAWO Goolasha- By Jaahuur.

Spain-12-Mar-2014-(SDN) Saaxiibayaal qormadeena ciyaaraha waxaynu maanta ku soo qaadaneynaa koobka horyaalka Yurub( Champion League) qaarna ay ka shubeen qaarna wadnaha farta ku hayaan.

Akhyaartay koobkan oo si habsami ah u socda waxa horey u soo dhamaadey lugtii hore,waxaana manta biloodey lugtii labaad oo qaar ka huleeleen.

Haddaba ciyaarihii maanta manta la ciyaarey waxaa ugu xiisa badneyd tii dhexmartey Atletico Madrid iyo Ac Mialn ahaydna lugtii labaad,walow lugtii hore Ac Milan 1-0 gurigooda looga badiyey.

Ciyaartan oo ka dhacdey garoonka Atletico ayaa waxaa ka soo qeybgaley dadweyne kor u dhaafey 60,000 iyo dabcan taageerayaasha labada dhinac.

Atletico Madrid oo si kalsooni ah ku soo gashey garoonkooda ayaa daqiiqaddii 3-aad kaga naxsatey goolkii 1-aad waxaana u saxeexey xiddigga reer Brazil Diega Costa.

Qeybtii labaad ee ciyaarta Ac Milan umey jixinjixn goolkaa laga dhaliyey ee waxay barbardhac la noqotey daqiiqaddii 40-aad waxaana u dhaliyey Arda Turan.

Atletico oo ka faa’iideysaneysa sawaxanka tageeryaashooda goolkii 2-aad waxa shabaqa ku hubsadey daqiiqaddii 71-aad Raul Carsia,kii qalbi jabkana waxaa u raaciyey Diego Coasta.

Ciyaartii kale ee la ciyaarey waxay dhexmartey Arsenal iyo Bayren Munich waxayna isla dhaafi waayeen 1-1,Bayren ayaa soo baxdey bacdamaa Arsenal gurigooda 2-0 looga badiyey lugtii hore.

W/qorey Jaahuur

SDN

jjaahuur@hotmail.com