Askar Gadoodsan oo lawareegay gacan ku heynta Dakada Magaalada Boosaaso ee gobolka Bari

Boosaaso May 08 2013 (SDN)— Sida ay ku warmayaan wararka laga helayo Magaalada Boosaaso ee Xurunta gobolka Bari Ciidamo gadoodsan oo ka tirsan kuwa Puntland ayaa la wareegay gacanta ku heynta dakada Magaaladaasi.

Dad ku sugan Magaalada oo aan la xiriiray ayaa ii sheegay in ciidamada ay la wareegeen Dakada iyo Kantaroolka kuyaalla Magaalada, islamarkaana aya muddo saacado ah gacanta ku hayeen.

Odayaasha Magaalada ayaa la sheegay in markii danbe ay ka saareen dakada Boosaaso islamrkaana ay ciidamadii gadoodsanaa ku qanciyeen in lala hadli doono dowladda Puntland.

Ciidamada Lawareegay gacan ku heyta dakada Boosaaso ayaa la sheegay in ay ahaayeen ciidamadii ku suganaa Buuraha Galgalo ee dagaalka kula jiray Ciidamada Sheekh Atam.

Ciidaman ayaa ka cabanaya Mushaar la’aan heysata iyodoo maamulka Puntland aysan wax mushaar ah siin intii muddo ah.

SDN-Boosaaso