Al Shabaab oo taliye sare ku dilay Mudug

Mudug January 06, 2024 (QJ) -Wararka ka imaanaya gobolka Mudug ayaa sheegaya in maanta dagaal culus uu ka dhacay deegaan u dhaxeeya Jeex Jeex iyo Caad oo dhaca Koonfurta gobolka Mudug.

Iska horimaadkan ayaa waxaa ku lug lahaa ciidamada xoogga dalka Soomaaliyeed (SNA) iyo ciidamo deegaanka ah oo ka soo horjeeda kooxda xagjirka ah ee Al-Shabaab.

Inta uu dagaalku socday ayaa waxaa la sheegay in lagu dilay Taliyihii qeybta 18-aad ee qeybta Gorgor Gaashaanle Sare Cabdi Maxamed Suulnuuge.

Wararka ayaa sidoo kale sheegaya in dagaalkii maanta ka dhacay Koonfurta Gobolka Mudug uu geystay khasaare isugu jira dhimasho iyo dhaawac oo soo kala gaaray dhinacyadii dagaalamay, waxaana adag in la ogaado khasaaraha dhabta ah ee ka soo gaaray xubnaha Al-Shabaab ee dagaalka kula jira Ciidamada Qaranka iyo Maleeshiyo beeleedka deegaanka. aagga.

Korneyl Suulnuuge ayaa horay u hogaaminayay dagaalka ka dhanka ah Al Shabaab ee ka socda deegaanada Galmudug iyo Hirshabeelle.