AL-Shabaab Oo Soo Bandhigay Hub iyo Saanad Militari oo ay sheegeen inay Amisom ka Furteen
Buulo-Buurde:30-Nov-2013(SDN)-Kooxda Dagaalka kula jirta Dawladda Federalka Somalia ee Al-Shabaab ayaa soo Bandhigtay Hub iyo agab kale oo ciidan oo ay sheegeen inay ka qabsadeen ciidanka Jibouti ee haatan ka tirsan ciidamada Amisom.
Hubkan iyo saanaddan military ayey kooxdu bandhigeeda u qabteen munaasibad ballaadhan magaalada Buulla-buurde oo ka mid ah goobaha ay wali gacanta ku hayaan.
Boqolaal dad ah oo laga soo waday magaalada daafaheeda ayaa waxa ay barxad weyn ku daawanayeen waxyaabaha Shabaabku sheegteen in ay Djibouti-yaanka ka furteen xilli gudoomiyaha Shabaab ugu magacaaban gobalkaasi uu ku faanay in ay xoog kusoo furteen agabkaasi.
Dhawaan waxaa ka dhacay gobalka Hiiraan qeybo kamid ah dagaal u dhexeeyay Shabaab iyo ciidanka AMISOM oo kaabaya meleteriga Soomaaliya, waxaana dowlada Soomaaliya iyo AMISOM labaduba hore u sheegteen in ay ku guuleysteen halka Shabaabkuna guul sheeganayaan.
S.D.N
