Al-shabaab Oo Sheegtay Inay Gacanta ku dhigtay Diyaarad Drone ah Oo uu maraykanku leeyahay

GEDO — Wararka laga helayo gobolka Gedo ee dalka Soomaaliya ayaa sheegaya in diyaarad nooca aan duuliyaha lahayn ay ku soo dhacday meel ka baxsan magaalada garbahaarey ee xarunta gobolkaasi.

mas’uuliyiin ka tirsan xarakada Al-Shabaab ayaa warbaahinta ay maamulaan u sheegay in ay gacanta ku dhigeen burburka diyaaraddaasi oo ku soo dhacday deegaan ay ka taliyaan.

Al-Shabaab ayaa intaa ku dartay in Diyaaraddu ay qayb ka ahayd kuwa duqeeya deegaaada ay ku suga yihiin dagaalyahanada ururkoodu.

Ma jiro war madax bannaan oo caddaynaya sheegashada Al-Shabaab iyo weliba dalka laga leeyahay diyaadda.

ma aha markii ugu horaysay ee diyaarad nooca aan duulayaha lahayn ay ku dhacdo deegaamada ay ka taliyaan ururka Al-Shabaab ee Koonfurta Soomaaliya.