Al Shabaab oo khaarajiyay Askari Kenyan ah oo ay gacanta ku hayeen
Muqdisho Feb 15 2013 (SDN)– Warsaxaafadeed kasoo baxay Alshabaab ayaa lagu sheegay in dil lagu xukumay mid ka mid ah askar Kenyan ah oo gacanta ugu jiro ciidamada ururka Alshabaab.
Warsaxafadeedka ayaa lagu sheegay in Alshabaab waqtigii ay u qabteen dowlada Kenya uu dhamaatay islamarkaana lagu riday askariga Jonathan Kipkosgei Kangogo xukun dil ah.
Alshabaab ayaa sheegay inay fursad kale siiyeen dowlada Kenya kaasi oo ku aadanaa badbaadinta shan kale oo ka tirsan Askarta Kenya oo walli gacanta ugu jiro Alshabaab.
Waxaa Alshabaab ay ku sheegeen warsaxaafadeedka kasoo baxay Alshabaab in xalay saqdhexe xukunka dilka lagu fuliyay Jonathan Kangogo.
Alshabaab ayaa sidoo kale sheegay in askarta kale ee gacantooda ku jira ay siinayaan fursad ah 72 saac oo kale ,si dowlada Kenya u fuliso sharuuihii horay loogu soo jeediyay ee la xiriira sii deynta muwaadiniinta kenyatiga ah.
Al-Shabaab ayaa Dowlada Kenya u qabtay Muddo Saddex Isbuuc ah in ay ku aqbasho Shuruudaha Alshabaab ay soo jeediyeen oo ahaa in ay dhamaan dadka Muslimiinta ah ee Xabsiyadeeda ku jira soo dayso si Maxaabiista Wadankeeda oo tiradoodu ay Lix gaarayso loogu soo daayo.
Cyrus Aguna ayaa horay war qoraal ah oo u saaray ku sheegay in wax wada hadal ah aysan ka lagaleynin Alshabaab.
SDN-MuqdishoÂ