Al Shabaab oo ka haday Diyaar Drone ah uu ku burburtay Buulo Mareer (Sawirro)

Muqdisho May 29 2013 (SDN)— Kooxda Al Shabaab ayaa faah faahin ka bixisay diyaarad Nuuca duuliya la’aanta ah oo shalay ku soo dhacday degmada Buulo Mareer ee gobolka Sh/hoose.

C/casiis Abuu Muscab oo la hadlay Warbaahinta ayaa sheegay in diyaaradu ay aheyd nuuca dhex-dhexaadka ah islamarkaana ay la heyd qebaha waxbasaasa ee Kamirooyinka wax duuba iyo sidoo kale gataalaha duqeymaha.

Isaga oo sii hadlaya Afhayeenka ciidanka dagaalka ee Shabaab ayaa wuxuu sidoo kale ka hadlay weerar dagaal oo habeen hore ay ku qaadeen Garoonka Magaalada Kismaayo ee xarunta Gobalka Jubadda hoose halkaasi oo ay ku sugnaayeen wafdi Xukuumada ka tirsan.

Wuxuu sheegay in weerarka dagaalka ah xilliga ay ku qaadayeen garoonka diyaaradaha ee Magaalada Kismaayo halkaasi ay joogeen masuuliyiin ka tirsan Dowladda iyo ciidanka Kenya.

Diyaarada kusoo dhacday Gobalka Shabeelaha hoose ayaan ilaa iyo iminka la ogeyn rasmi ahaan dalka laga leeyahay.

Daawo Sawirrada Diyaaradii Ku Dhacday Buulo Mareer