Afhayeenka Ciidamada Sudan oo u jawaabay Dhigiisa dalka Kenya,maxey tahay sababtu?

Khartuum Oct 11,2013(SDN)-Afhayeenka ciidamada dalka Sudan Col. Al-Sawarmi Khaled Saciid ayaa ka jawaabay hadal dhawaan ka soo yeeray Afhayeenka ciidamada dalka Kenya Maj.Emmanuel Chirchir mar uu ka hadlayay weerarkii lagu qaaday westgate Mall.

Col Al-Sawarmi Khalid Siciid ayaa waxa uu sheegay in aanu mid ka mid ah muwaadiniinta dalka Sudan aanu ka qeyb qaadan weerakii Westgate Mall.

Afhayeenka Ciidamada Kenya Maj. Chirchir ayaa sheegay todobaadkan in Abu Baara Al-Sudani oo ah nin Sudan u dhashay uu ka mid ahaa dableydii weerarka Westgate ka qeyb qaatay.

“Abu Baara Al-Sudani waa muwaadin Somaali ah,Sudana waxba kama khuseeyaan,Al-Sudani waa magaciisa uun”.ayuu yiri Col. Al-Sawarmi.

Ciidamada Kenya ayaa shaaciyay muqaal ay ku sheegeen in uu yahay afar ruux oo dabley ah oo dhex socda Westgate Mall oo ah dableyda weerarka ka qeyb qaadatay.

SDN-Khartoom
contact@somalidiasporanews.com