Sagootin loo Sameeyay Agaasimihii Guud ee Hore ee Wasaarada Arrimaha Dibada laguna soo dhaweeyay Agaasimaha Cusub oo Caawa Hargaysa lagu qabtay

Hargaysa 17.July (SDN) Casho sharaf lagu soo dhawaynayo agaasimaha cusub ee wasaarada Arimaha dibada maxamed xasan saciid laguna sagootiyayo agaasimihii hore ee wasaaradaasi faysal cali sh. Maxamed ayaa caawa lagu qabtay huteel maansoor ee magaalada hargaysa.

Casha sharaftan oo ay soo diyaariyeen masuuliyiinta wasaarada arimaha dibada ayaa waxa goobjoog ka ahaa wasiirka wasaarada war faafinta mud c/laahi maxamed daahir (cukuse), maareeyaha TVga qaranka khaddar cali gaas, agaasimaha cusub ee wasaarada arimaha dibada, agaasimihii hore ee wasaaradaasi ahna agaasimaha wasaarada boosaha iyo isgaadhsiinta, agaasime waaxeedyada wasaaradaasi iyo qaar ka tirsan shaqaalaha wasaaradaasi.

Waxa madashaasi ka hadlay wasiirka wasaarada warfaafinta mud c/laahi maxamed daahir cukuse oo hadalo mahad naq ah u soo jeediyey agaasimihii hore ee wasaarada arimaha dibada mud faysal cali sheikh oo uu sheegay in uu  in uu yahay shaqsi hawl kar ah waxana uu u rajeeyey in wasaarada loo badalay ee boosaha iyo isgaadhsiintana uu sidaasi iyo si la mid ah uu wax uga qaban doono geesta kalena waxa uu wasiirku agaasimaha cusub ee xilka wasaarada arimaha dibada la wareegayna u rajeeyey in uu hawsha wasaarada arimaha dibada halkaasi kasii amba qaado. Waxa iyaguna madashaasi casho sharafta ahayd ka hadlay faysal cali sheikh oo ahaa agaasimihii hore ee wasaarada arimaha dibada imikana ah agaasimaha wsaarada boosaha iyo ishgaadhsiinta iyo agaasimaha cusub ee wasaarada arimaha dibada mud maxamed xasan siciid oo labaduba sheegay in ay shaqadooda si daacad ah u gudan doonaan. Gebagebadiina waxa ay shaqaalaha wasaaradaasi shahaado sharaf gudoonsiiyeen agaasimihii hore ee wasaarada arimaha dibada imikana ah agaasimaha wasaarada boosaha iyo isgaadhsiinta.

Hargaysa SDN.

Qurbejoog.com