Somtel oo Muqdisho loo Raray,maxey tahay Sababtu?,yaase u fududeeyay?

Hargeysa July 12,2013(SDN)-Shirkada Isgaarsiinta Somtel ee hoos tagta Dahabshiil ayaa in muda ahba waxa lagu waday maalgelin balaaran oo macaamiil loogu baadi goobayo Shirkada.

Dahabshiil oo ah shirkada leh Somtel ayaa la arkayay iyada oo dacalada Somaliland xarumo ka fureysa,maalgelineysa mashaariic isla markaana xarumo ka furaneysa dhamaan magaalooyinka waaweyn ee dalka.

Waxaase muuqata in tilaabooyinkaas oo idili aaney u soo jiidin shirkada macaamiishii ay filayeen.

Waana taas sababta keentay in shirkadu dhawaan u guurtay magaalada Muqdisho ee dalka Soomaaliya.

Somtel oo isticmaaleysa Madaxtooyada Somaliland ayaa haatan ka hawlgasha Koonfurta.

Sida ay ku soo waramayaan wariyeyaashayada Soomalaiyana waxa ay noo sheegeen in ay Somtel isticmaaleyso tabahii Hargeysa ka shaqeyn waayey.

Somtel ayaa xildhibaanada,xukuumada iyo guud ahaan shaqaalaha dawlada Soomaaliya u qeybisay Mobilo bilaash ah.

Waxa la sugaaba waa sida shicibka Soomaaliya ay u soo dhaweeyaan shirkadan.

SDN-Muqdisho
contact@somalidiasporanews.com