Agaasimaha Samafalka ee Wasaarada Dibu dejinta oo ka hadlay Dhakhaatiir hawl galo caafimaad ka wada Cisbitaalka Guud ee Hargaysa

Hargaysa 13.June  (SDN)  Agaasimaha  samafalka ee wasaarada dib-u-dejinta  JSLand  Mud,Siciid Cabdi Gaboobe,ayaa   sheegay in dhakhaatiirta sucuudiga ah ee Howsha samafalka  Caafimaadka ka wada Isbitaalka Guud ee hargeysa,kuwaasi oo uu sheegay, in  Mudadii ay dalka joogeen oo toban maal-mood  ku siman  Ay daaweyn iyo baadhis u sameeyeen dad tiradooda lagu qiyaasay ilaa laba kun iyo boqol qof.

Agaasimaha oo Shabakada Qurbejoog, waxa uu sheegay in dhakhaatiirtan   oo dalka yimi bishan aynu ku jirno  Kowdeedii ,adeega  caafimaad ee ay bixinayaana uu yahay  lacag la’aan,waxaanuu xusay inay   howshooda soo gunaanadi doonaan bishan 13-keeda.Waxaanuu intaa raaciyey in  agaasimuhu in  masuuliyiinta  wasaarada caafimaadka iyo isbitaalka Guud ay si hagar la’aan ah ula shaqeeyeen dhakhaatiirtan.

Agaasimaha oo ka hadlayey  cudurada  ay daaweynayaan waxa uu sheegay in ay  dhakhaatiirtan oo  ka kooban  shan dhakhtar wax ay wax ka qabanayaan   xanuunada, Caruurta, Maqaarka,  xanuunada Haweenka iyo Daaweynta Guud.

Agaasimaha  Samafalka wasaarada dib-u-dejinta  Siciid Cabdi Gaboobe, oo ka hadlayey dareenka ay dhakhaatiirtani  ka qaateen dalka mudadii ay joogeen, waxa uu sheegay inay tahay markii ugu horaysay ee ay yimaadaan dalka,waxaanay ahaayeen ayuu yidhi kuwo markii hore shaki ku jiray  oo u qabay in waxa dalkaa somaliya ka socdaa ay somaaliland-na ka socdaan, hase ahaatee Markii ay garoonka berbera ka soo degeen ee aanu halkaa  ka soo qaadnay waxa  dareenkoodii bedelay  nidaamka  shaqo ee ay Garoonka kala kulmeen, ka dib markii wasaarada caafimaadka yimaadeena Waxa  ogaadeen in nidaam iyo maamul kala danbaystiisa lihi uu jiro.Waxaanay  la kulmeen madaxweynaha JSLand Mud,Axmed Maxamed Maxamuud,aad ayaanay ugu mahad-naqeen dalkana ay ugu duceeyeen.

Hargaysa SDN.

Qurbejoog.com