Wariye Xalay Lagu dhawacay Magaalada Kismaayo ee xarunta gobolka J/hoose

Kismaayo May 30 2013 (SDN)– Dableey Hubaysan oo Haybtooda la garayn ayaa Caawa ku weeraray Degmada Kismaayo Wariye C/qaadir Cabdirisaaq Jiijile oo kamid ahaa Wariyaasha ka howlgala gobolka Jubbada Hoose sidoo kalana la shaqayay Idaacado Maxali ah oo ku yaala Muqdisho.

Wariye Faadumo Cilmi oo kamid ah Wariyaasha arkay dhawaca Wariyaha ayaa xaqiijisay wariyaha in lagu dhaawacay Xaafada Farjano, waxana ay sheegtay Faadumo hal xabad inay kaga dhacday Wariyaha daanka, isla markaana ay iminka xaladiisu tahay mid dagan.

Illo ka agdhow Wariyaha ayaa sheegaya in uu helay Wariye Jiijiile Fariimo Hanjabaad ah ka hor intii aan weerarka lagu qaaday, waxaana iminka lagu dabiibayaa xaaladiisa Caafimaad Isbital ku yaala gudaha degmadaasi.

Lama oga Sababaha keenay in la beegsado Wariyaha, walina wax war ah kala soo saarin Maamulka Jubbland ee Axmed Madoobe Weerarka Wariyaha.

SDN– Kismaayo