Beelo lagu Heshiisiiyay Degaanka Lafaweyn ee Gobolka Sool

Lafaweyn May 24,2013(SDN)-Kulamo ay isugu yimaadeen waxgaradka gobolka Sool oo looga arinsanayay sidii loo soo afmeeri lahaa colaado mudo ka jiray degaanka Lafaweyn ayaa laga gaaray natiijooyin wax ku oola.

Sida ay ku soo waramayaan waxgaradka Gobolka Sool waxa Heshiis laga gaaray muran dhuleed colaad isu bedelay oo ka dhashay Berkad laga qoday dhul daaqsimeedka Lafaweyn.

Waan waanta dhinacyadii ku dagaalamay Lafaweyn oo mudo socotay ayaa haatan ku soo dhamaatay Guul.

Dhinacyadii ku dagaalamay Lafaweyn ayaa sheegay in ay qaateen nabad waarta oo degaankaasi lagu soo dabaalay.

Waxgaradka gobolka Sool ee hawshan isu taagay ayaa goaamiyay in la aaso berkeda laga qoday dhul daaqsimaadkaasi.

Colaada Lafaweyn oo mudo soo jiitameysay ayaa haatan u muuqata in xal labada dhaniba ay ku qanacsan yihiin laga gaaray.

SDN-Lafaweyn

contact@somalidiasporanews.com