Toronto oo 3-0 Ku Samirsiisey Ottawa (By Jaahuur)
Ottawa-May-22-2013-qurbejoognews.com-Asxaabtey todobaadkan iyo qormadeena ciyaaraha waxaynu ku jaleecaynaa ciyaartoydii kubadda cagta ee beredsamaadkii oo soo cagadhigtey Ottawa markii ay ka soo ruqaansadeen Toronto.
Ciyaartoydii cuslaatey ee beredsamaadkii ayaa aalaba waxay ku gaafwaqreegaan magaalooyin ka mid ah waqooyiga Ameerika si ay ula ciyaaraan ciyaartoyda kale ee ku sugan magaalooyinkaa wacdarana ka muujiya adagtahayna in laga badiyo
Haddaba mar ay soo booqdeen caasimadda Kanada ee Ottawa waxayna ciyaar aad u xiisa badan dhexmartay ciyaartooyda Ottawa waxaana ka soo qeybgaley bahweynta ciyaaraha jecel ee ku dhaqan caasimadda si ay u arkaan ciyaartoydii beresamaadkii ay taageerayaasha u ahaayeen..
Ciyaartan oo aan waxba la isu reeban ayaa labada kooxoodba waaxay soo bandhigeen ciyaar aad iyo aad u xiisa badan,walow ay ka faa’iideysten ciyaartooydii beresamaadkii khibraddii ay u lahaayeen kubadda cagta ,ciyaartuna waxay ku so0 gabagaboydey Toronto- 3-Ottawa-0.
Toronto Ciyaartoydii u safatey.
Mukhtaar Cuti,Yuusuf Shaqaaq,Abdi Samed,Guutaale,Abdi xakiin,Odey,Baashe,Nuur,A Baaba,Axmed-dey,Sharmaarke,Deq Xalane,Codka Abdikariin.
Ottawa Ciyaartoydii u safatey.
Aweys Waxool,Abdiyare,Idiris,A Fataax,Khadar,Ilyaas,Rafad,M Cawaale,A Galaal,Cumaarey,Xassan Cali,Jacfar.
Runtii waxaa xusid mudan qabanqaabiyaashii isku soo dubaridey barnaamijkan Abdi Yare iyo Idiris Jaamac una horseedey imaashaha ciyaartoydii Beresamaadkii iney soo cagadhigtaan Ottawa.
Waxa kale oo xusid mudan xafled weyn oo si fiican loo soo agaasimeyoo casho sharaf ah ayaa loogu qabtey Hudheelka caanka ah ee (SHIFA RESTURENT) waxaana halkaa hadalo mahadnaq ah ka soo jeediyey A Samed,Mukhtaar Cuti,Shaqaaq iyo Guutaale,dhinaca kale Qttawa A Yare,iyo Sh idris Jaamac oo ducadii ku soo gabagabeeyey.
W/Qorey Jaahuur
qurbejoognews.com