Maayarka Caasimada Hargaysa oo Kormeer ku Soo Maray Degmooyinka Hargaysa,Soona Indho indheeyay Mashaariic fulintoodu socoto

Hargaysa 15.May (SDN) Maayarka Magaalad Hargeysa Md. C/ raxmaan Maxamuud Caydiid ayaa kormeer hawleed ku soomaray qaar ka mid ah  xarumaha Dawlada hoose ee  Degmooyinka Caasimada.

Maayarka oo ay weheliyaan xildhibaano ka tirsan Golaha Degaanka ee magalada Hargaysa ayaa  kormeerkoodani waxa uu uu la xidhiidhay  u kuurgelida qaab socodka hawlaha xafiisyadaasi ay bulshada u  hayaan.

Kormeerkan ayaa maayarka caasimadu waxa uu ku soo maray xarumaha D/Hoose  ee Maxamed Mooge , Gacan Libaax iyo Maxamed Haybe , isagoo kulamo kula yeeshay  madaxda iyo Hawlwadeenada Ka Hawlgala xafiisyadaas maayarku wuxuu warbixin halkaasi kaga dhagaystay  masuuliyiinta xarumahaasi.

Dhanka kale Maayarka caasimada Hargaysa C.raxmaan Maxamuud Caydiid waxa uu soo kormeeray  mashruuca Dhismaha  Biriishka maxamed Mooge oo ay haatan hawshiisu si wanaagsan u socoto.

Hargaysa SDN.

Qurbejoog.com