Kooxo hubeysan oo Nin Rayid ah ku dilay gobolka Galgaduud
Dhuusamareeb May 14 2013 (SDN)– Wararaka ka imaanaya Gobalka Galgaduud ayaa sheegaya in deegaanka Dhabad oo ka tirsan Gobalkaasi kooxo hubaysan ay ku dileen wadaad caan ka ahaa Deegaanka.
Falkaan ka dilka ah ayaa waxaa ka dambeeyay kooxo hubaysan waxaana sida la aamisan yahay uu raad ku leeyahay dilka loo geestay wadaadkaan aanooyin qabiil ah.Qaar kamid ah waxgaradka Gobalka Galgaduud gaar ahaan kuwa Magaalada Caabudwaaq ayaa si adag u canbaareeyay falka dilka ah ee loo geestay xalay wadaadka caanka ka ahaa deegaanka Dhabad ee Gobalka Galgaduud.
Waxa ay falka dilka ah ku tilmaameen mid dhibaato abuuri kara maadaama wadaadka la dilay loo dilay arimo la xiriira aanooyin qabiil.
Gobalka Galgaduud deegaano ka tirsan ayaa waxaa ka dhaca falal dilal qorsheysan ah oo la xiriira aanooyinka qabiilka ah.
SDN-Dhuusamareeb