Ku dhawaad 100-Ruux oo ku geeriyooday Dhisme ku soo dumay Magaalada Daka ee dalka Bangaladhesh

Daka April 24 2013 (SDN)– Ugu yaraan 82-ruux ayaa ku geeriyooday, 700-kalana waa ay ku dhawacmeen kagadaal markii dhisme weyn oo kuyaalla Magaalada Daka ee dalka Bangaladesh uu soo dumay.

Dad badan ayaa weli ku dhexjira dhimsaha dumey hoostiisa, waxaana socda dedaal lagu badbaadinayo dadkaasi iyadoo lagu arkayo banaanka dhismaha dumay Gaadiidka gurmadka deg dega.

Dadka ku dhintay tiradooda ayaa kor u kici karta markasta, maadaama ay weli socoto baaritaanka lagu baadigoobaya dadka ku dhexjira dhegxaanta iyo shubka hoostiisa.

Dhismaha dumey ayaa ka koobnaa Bangi, Wershad dharka samaysa iyo dukaamo kale oo badan, Mid ka mid ah shaqaalaha dab-demiska ayaa sheegey in qiyaastii 2000 oo qof ay ku sugnaayeen gudaha Dhismahaas marka uu dumaayey.

SDN-Daka