Hub Al Shabaab uga soo dagay Magaalada Xarar-dheere ee gobolka Mudug

Xarar-dheere April 14 2013 (SDN)— Warar hoose oo la helayo ayaa xaqiijinaya in shalay Magaalada Xarar-dheere  ee gobolka Mudug uu ku soo xirtay Markab siday Shixnad hub ah, kaasi oo u soo degay Xarakada Al Shabaab ee Maamusha Degmadaasi.

Hubkaan oo aan si Rasmi ah Loo Ogeyn halka uu uga ka yimid Al Shabaab ayaa hadana wararka qaar sheegayaan in Laga yaabo in Ururka Al Qaacida ee Fadhigoodu yahay Yemen ay u soo dhiibeen Al Shabaab.

Hubka ay gacanta ku dhigeen Saraakiisha Al Shabaab ayaa la sheegay in ay Ka mid yihiin Garneelada Garabka Laga Tuuro.

Hubkan hada faraha u galay Al Shabaab ayaa Qatar ku noqon kara Amaanka dalka iyo sii heysasha dowladda Soomaaliya meelo badan oo kamid ah gobolada dalka.

SDN-Xarar-dheere